Ásgeir hefur ...

Fjöllin:

Ásgeir hefur látið drauma mína rætast á mörgum sviðum og náð mörgum af sínum markmiðum. Hann hefur klifið fimm fjöll af þeim sjö sem teljast hæstu fjöll hverrar heimsálfu og var fyrstur Íslendinga til að klífa hið alræmda fjall Carstensz Pyramid (4.884m) í Papúa Nýju-Gíneu, en það er hæsta fjall Eyjaálfu. Auk þessa hefur hann klifið Mt. Elbrus (5.642m) í Rússlandi, hæsta fjall Evrópu, Mt. Kilimanjaro (5.895m), hæsta fjall Afríku, Aconcagua (6.962m), hæsta fjall Suður-Ameríku, Denali, 6.190m) hæsta fjall Norður-Ameríku og Mt. Blanc (4.809m), sem er hæsta fjall Vestur-Evrópu.

Hann hefur farið í leiðangra á önnur fjöll eins og Alpamayo (5.947m) í Perú og Broad Peak (8.051m) í Pakistan (snúið við vegna veðurs í 7.600m hæð) ásamt fjölmörgum öðrum útivistarverkefnum líkt og þvera Vatnajökull á gönguskíðum.

Hlaup og IronMan:

Ásgeir hefur klárað tvær IronMan keppnir, hlaupið Laugaveginn tvisvar sinnum og tekið þátt bæði í New York- og Reykjavíkurmaraþoni.

Menntun:

Eftir grunnskóla lá leið Ásgeirs í fjölbrautaskóla en á þeim tíma átti það ekki við hann að stunda nám svo hann hóf almenna verkamannavinnu og fór því næst á sjóinn. Í framhaldi af því fór Ásgeir í Stýrimannaskólann og lauk þaðan öðru stigi, sem var tveggja ára nám sem veitti full skipstjórnarréttindi á öll fiskiskip. Næst lá leiðin í frumgreinadeild Tækniháskóla Íslands og í framhaldi af því útskrifaðist hann sem iðnrekstrarfræðingur af rekstrarsviði og með B.Sc. gráðu í vörustjórnun (logistics).

Hann hefur lokið meistaranámi (MBA námi) í viðskiptum frá Háskólanum í Reykjavík með áherslu á mannauðsstjórnun. Hann er með NLP Practitioner gráðu frá BrUen og er alþjóðlega vottaður markþjálfi (Coach) frá Háskólanum í Reykjavík (CEG Core Essentials Graduate). Unnið á hjálparsíma Rauða krossins, stundað sjósund, yoga og köfun, prófað rafting, fallhlífarstökk og margt, margt fleira.

Starfsferill:

Eftir að hafa stundað sjómennsku og klárað háskólanám starfaði Ásgeir hjá Ölgerðinni Agli Skallagrímssyni í 12 ár og sinnti þar ýmsum störfum. Má þar nefna starf yfirmanns dreifingar, framkvæmdastjóri vörustjórnunar og framkvæmdastjóri tæknisviðs

Ásgeir hefur fjárfest mikið í lífinu og þessi fjárfesting skilar sér í námskeiðin og fyrirlestrana sem hann heldur.