Að nýta bestu ár ævinnar

MARKMIÐ:

Þetta námskeið snýst um að lifa og læra að lifa lífinu lifandi. Námskeið snýst ekki um það hvernig á að deyja á sem hagkvæmastan og þægilegastan hátt. Lífið er til að lifa því og þess vegna snýst þetta námskeið um að lifa.

Markmiðið er að þátttakendum verði ljós flest þau tækifæri sem bíða þeirra hvort sem er varðandi næringu, hugarfar eða það sem lítur að peningum og fjárhagsstöðu fólks.

Almennt séð er markmið námskeiðsins að vera grunnur þekkingar um þá möguleika og valkosti sem þessi tímamót bjóða uppá . Gildir þá einu hvort um er að ræða andlegu, líkamlegu eða fjárhagslegu hliðarnar.

FYRIRKOMULAG NÁMSKEIÐSINS ER ÞRÍSKIPT:

HLUTI 1: LÍKAMINN, HEILSAN OG NÆRING

  • Þarf að taka fæðubótarefni líkt og vítamín?
  • Hvað er heilbrigður lífsstíl?
  • Er meiri vinna að borða hollt en óhollt?
  • Hver er í raun grunnurinn að okkar mataræði?
  • Hvað fáum við út úr breyttu mataræði annað en lægri tölu á vigtinni?
  • Er öll fita óholl eða kannski holl?
  • Hvers vegna þekkist ekki beinkröm í Asíu?
  • Hver er möguleg orsök flestra okkar kvilla?
  • Er ekkert samasem merki á milli þess að borða hollt og að vera í megrun?
  • Hvers vegna á bara að nota Extra Virgin olíur?
  • Hvaða olíur henta best til að steikja upp úr?
  • Erum við að fá alltof mikið af omega-6 fitusýrum?
  • Hvað skeður í líkamanum þegar við fáum okkur sykur?
  • Er gott að drekka með mat?
  • Hvaða matur passar saman?
  • Á að borða ávexti á undan eða eftir matnum?
  • Eru eldislax og verksmiðjuframleidd egg holl?
  • Hver er helsta ástæða veikinda?

Lengd á hluta 1: 1 skipti í 3 klukkutíma

HLUTI 2: RÉTTINDI OG SÉRKJÖR

  • Hvaða réttindi fylgja því að vera kominn á eftirlaun
  • Hvaða afslættir standa til boða, í verslunum, á þjónustu og í tómstundastarfi

Í hluta 2 er leitast við eins og frekast er unnt að fá sérfróða gestafyrirlesara þar sem það er talið henta.

Lengd á hluta 2: 1 skipti í 3 klukkutíma

HLUTI 3: HUGARFAR OG VIÐHORF

  • Hvað skiptir mestu máli til lifa lífinu til hins ítrasta til 100 ára aldurs eða lengur?
  • Að vera STOLTUR af þessum stóru og skemmtilegu tímamótum eftir ötula starfsævi
  • Hvernig er hægt að viðhalda sem bestri og mestri heilastarfsemi svo lengi sem maður lifir?
  • Hver erum við? Meðan við vinnum og erum spurð hvað við gerum, þá er svarið; læknir, framkvæmdastjóri, bílstjóri, verkstjóri og svo framvegis - en hvað erum við þá þegar við hættum að vinna, hver er þá sjálfsmynd okkar?
  • Hvað erum við hönnuð til að gera?
  • Hvaða tala er aldur og hvað segir hún okkur? Er aldur afstæður?
  • Helstu mýtur/goðsagnir varðandi aldur eru skoðaðar.
  • Kraftur þess að sleppa taki á fortíðinni.
  • Hvernig á að byggja upp jákvæða hegðun?
  • Hvað hindrar okkur í því sem okkur langar til að gera?
  • Hvað myndir þú reyna núna ef þú vissir að það gæti ekki mistekist?
  • Hvað fær þig til að vera á lífi, hvað gefur þér tilgang?
  • Eigum við að “vinna” eins lengi og við getum?
  • Hvað myndir þú gera í þínu lífi í dag... ...ef þú vissir ekki hvað þú værir gamall eða gömul?

Lengd á hluta 3: 1 skipti í 3 klukkutíma

“Við hættum ekki að leika okkur af því að við verðum gömul heldur verðum við gömul af því við hættum að leika okkur.“ George Bernard Shaw

HELSTI ÁVINNINGUR AF NÁMSKEIÐINU:

  • Að þátttakendur líti bjartari augum á framtíðina
  • Meiri kjarkur til að takast á við lífið
  • Aukið sjálfstraust og lífshamingja
  • Betri innsýn í eigin hugsanir
  • Aukinn persónulegur styrkur
  • Aukin hæfni í að takast á við mótlæti
  • Að læra að nýta sér skriflega markmiðasetning

Samtals lengd á námskeiðinu eru 9 klukkustundir

FYRIR HVERJA:

Fyrir alla sem eru á tímamótum í lífi sínu, sama á hvaða aldri það er.

---

ÞAÐ SEM FÓLK Á TÍMAMÓTUM STENDUR FRAMMI FYRIR:

Verðum við „gömul“ og „deyjum“ vegna þess að við missum áhugann á lífinu? Missum við tilganginn til að lifa? Að hafa tilgang og markmið í lífinu er grunnur að því að lifa lífi sem verðugt er að lifa. Svo lengi sem við erum á lífi innra með okkur, þá verður líkami okkar ungur og fullur af lífi. Þegar ekkert gerir okkur spennt eða hleypir okkur kappi í kinn. Þegar við byrjum að deyja innanfrá, vegna skorts á áhuga á lífinu, þá byrjar líkaminn að hrörna og deyja. Þegar okkur hlakkar ekki til morgundagsins og við notum mest af tímanum í að tala um gærdaginn, þá byrjum við að deyja. Þegar við hættum að æfa hugann og líkamann, slökkva þeir á sér hægt en örugglega. Margt fólk deyr bara af því að það er orðið „þreytt“. Því finnst eins og það hafi ekkert til að lifa fyrir, ekkert til að keppa að og klára… Það er engin „þjáning“ lengur og ef það er engin „þjáning“ þá er ekkert til að hlakka til.

Það sem við þurfum að gera er að finna nýja ástríðu, búa til nýja ástríðu eða viðhalda núverandi ástríðu. Við þurfum að fagna öllum dögum full af áhuga og spenningi og kveðja alla daga full af þakklæti og frið. Svo lengi sem við erum á lífi innra með okkur þá verður líkami okkar ungur og fullur af lífi. Fagnaðu lífinu og lífið mun fagna þér.

Þú ert allt sem til er

Þínar hugsanir, þitt líf, þínir draumar rætast

Þú ert allt sem þú velur að vera

Þú ert jafn takmarkalaus og hinn endalausi alheimur

Shad Helmstetter