Hvernig setur maður sér skrifleg markmið?

Markmið:

Námskeiðinu er ætlað að sýna fram á að allir geta sett sér markmið og markmiðasetning virkar fyrir okkur öll. Að þátttakendur öðlist færni í markmiðasetningu og geti sett sér sín eigin skriflegu markmið á þann hátt sem gagnast þeim hvað best.

Meðal þess sem farið verður yfir:

  • Ert þú korktappi eða skipstjóri? Stjórnlaust skip þarf tilviljun til að komast í höfn
  • Myndi okkur detta í hug að byggja hús án þess að vera með teikningar af því? Hvers vegna lifum við þá lífinu oftast án skipulags eða „teikninga“?
  • Erum við alltaf bara að bíða eftir morgundeginum, að dagurinn í dag líði og að við förum á eftirlaun, verðum rík, vinnum í lottóinu eða því að börnin fari að heiman eða erum við með skrifleg markmið?
  • Af hverju að setja sér markmið? Hver er ávinningur markmiðasetningar
  • Lærum að móta okkur stefnu í lífinu og búa til aðgerðaáætlun
  • Mismunandi aðferðir við markmiðasetningu?
  • Lærum að setja okkur bæði starfstengd og persónuleg markmið?
  • Hvers vegna er mikilvægt að setja sér markmið í öllum þáttum þíns lífs?
  • Hvernig getum við sett okkur markmið ef við vitum ekki hvað við viljum? Hvernig förum við að því að komast að því hverju við höfum ástríðu fyrir?
  • Hvað þarf svo meira til að markmiðin okkar náist en bara það eitt að skrifa þau niður?
  • Hvers vegna setja svona fáir sér skrifleg markmið? Um 3% okkar setja sér skrifleg markmið en samt sem áður nást u.þ.b. 95% þessara skriflegu markmiða?
  • Hvað getur mögulega hindrað þig í því að láta drauma þína / markmið rætast?
  • Lærum að nota SMART, PURE og CLEAR við markmiðasetningu?

Helsti ávinningur af námskeiðinu:

  • Markmiðasetning hvetur fólk til að leita nýrra leiða til að leysa vandamál. Rannsóknir sýna auk þess að þeir sem setja sér markmið upplifa minni streitu og lifa innihaldsríkara og ánægjulegra lífi
  • Að ná markmiðum eykur sjálfstraustið auk þess sem við öðlumst stolt og ánægju af eigin frammistöðu
  • Markmið hjálpa okkur til að ná meiri árangri og bæta frammistöðuna
  • Meiri einbeiting og markvissari vinnubrögð
  • Lærum að setja okkur skammtíma- og langtímamarkmið

Lengd:

Lengd fyrirlestrar er ein klukkustund en námskeiðsins breytileg. Hafið endilega samband varðandi lengd á námskeiðinu.

Fyrir hverja:

Alla þá sem vilja láta drauma sína rætast og læra um mátt hugans. Þessi fyrirlestur er tilvalinn fyrir alla sem hafa metnað og áhuga á að breyta til í lífi sínu. Þetta er t.d. frábær fyrirlestur fyrir frumkvöðla, atvinnuleitendur og aðra þá sem standa á krossgötum í lífinu.