Hvatning og viðhorf

Markmið:

Að vekja fólk til umhugsunar um viðhorf sitt til vinnunnar, fjölskyldunnar, lífsins sjálfs og mikilvægi þess að lifa hamingjusamari í nútímanum en festast ekki í hinu liðna.

Meðal þess sem farið verður yfir:

  • Hvernig förum við að því að sleppa taki á fortíðinni og því sem við burðumst með og horfa þess í stað fram á veginn?
  • Hver og einn ber ábyrgð á eigin viðhorfi til lífsins, innan og utan vinnu og er í lófa lagið að takast á við fyrirliggjandi verkefni með jákvæðum og opnum huga.
  • Jákvætt hugarfar, skýr framtíðarsýn og markmiðasetning er forsenda þess að við náum á áfangastað og hrindum því sem gera þarf í framkvæmd.
  • Áttum okkur á því hvað það er sem gerir okkur hamingjusöm og ánægð með árangur okkar.
  • Fátt gefur meiri ánægju en að sigrast á hindrunum og finna öryggið sem fylgir því að standa uppi sem sigurvegari, laus við sjálfsvorkunn og eftirsjá.
  • Hvernig getum við tekið stefnuna á hamingjusamara líf með því að líta á möguleika okkar og hættum að stjórnast af hömlunum og takmörkunum á okkar eigin getu? Tökum stjórn á lífi okkar.
  • Lítum til samskipta og viðhorfs almennt.
  • Leitum leiða til að framkvæma hluti á þann hátt sem gefur okkur mesta lífshamingju.
  • Ræðum um árangur og mikilvægi þess að gleðjast. Hvernig tökum við því sem við höfum áorkað með þakklæti og af jákvæðni?
  • Hvort líður okkur betur þegar við samgleðjumst öðrum eða dæmum?
  • Tíminn til að byrja er núna! Gamalt orðatiltæki segir: „Ef ekki núna, hvenær? Ef ekki hér, hvar? Ef ekki þú, hver?“
  • Taktu áhættu: „Ef hún borgar sig verður þú glaður; ef hún borgar sig ekki ertu reynslunni ríkari”
  • „Það er eitt fallegasta framlag þessa lífs að enginn getur hjálpað öðrum af einlægni án þess að hjálpa sjálfum sér“ Ralph Waldo Emerson
  • „Eina fötlunin í lífinu er slæmt viðhorf“ Scott Hamilton

Helsti ávinningur af námskeiðinu:

  • Að þátttakendur sjái hvernig oft er hægt að snúa erfiðri stöðu sér í hag
  • Aukið sjálfstraust og lífshamingja
  • Meiri kjarkur til að takast á við lífið
  • Aukinn persónulegur styrkur
  • Aukin hæfni í að takast á við mótlæti
  • Að þátttakendur líti björtum augum á framtíðina

Lengd:

Lengd fyrirlestrar er ein klukkustund en námskeiðsins breytileg. Hafið endilega samband varðandi lengd á námskeiðinu.

Fyrir hverja:

Tilvalið fyrir fyrirtæki eða deildir innan fyrirtækja eða stofnana þegar haldinn er starfsdagur. Hentar einnig vel til að brjóta aðeins upp daginn og koma með nýja og ferska vinda inn á vinnustaðinn.